أغانى الثورة

كتبتها / دينا خطاب

   من أحلى الحاجات اللى حصلت بعد الثورة وأثناءها.. مش عشان حاجة بس بجد فيه أغانى معلمة وكل ما اسمعها بحس احساس تانى

احساس بطعم مختلف وكل واحدة فيهم ليها حكاية

http://www.youtube.com/watch?v=6fxVIRFawLM&feature=share

لأنى كنت بره مصرومحضرتش أيام الثورة ، أول مرة سمعت الأغنية دى لرامى عصام كان فى الميدان أول جمعة نزلتها يوم جمعة انقاذ الثورة 1 أبريل ومحستش بأى حاجة غير شعور ان قلبى مرفرف ودموعى نازلة على خدى..

http://www.youtube.com/watch?v=Fgw_zfLLvh8

صوت الحرية.. طلعت وقت الثورة، ومش هاقدر اوصف احساس اللى متغرب بره مصر واحساسه بكل اللى بيحصل وهو بعيد وحاسس بالعجز، خايف ومرعوب وقلقان ومش عارف يعمل حاجة

وقت ما شفت وسمعت الأغنية وكنا عايشين ساعتها احساس اليوتوبيا بتاع الميدان حسيت انى فى السما.. بدون مبالغة :)

http://www.youtube.com/watch?v=btXZMh5tHDA

يابلادى يابلادى انا بحبك يا بلادى

مين مش بيحب الأغنية دى .. انا مسمياها أغنية الشهدا.. وكل ما اسمعها أحس ان احنا لسه مقصرين اوى .. اوى فى حقهم ولسه بدرى كتيييير على بال ما نحس ان حقهم رجع..