النهاردة وانا مروحة من الحزب على محطة المترو لقيت واحدة بتسألنى بدون أى مقدمات " انتى مع الثورة ولا ضد الثورة؟" قلتلها مع الثورة . قالتلى اصل أنا ضد الثورة.. قلتلها ليه؟ قالتلى أنا كنت مع العيش والحرية والعدالة الاجتماعية بس ضد اننا نمشى مبارك ونحاكمه..
قولتلها طيب لما انتى عايزة الحاجات دى وزعلانة على مبارك.. الحاجات دى كانت هتتحقق ازاى؟ هوا بعد ما قعد 30 سنة مشفناش منه غير الخراب كان ممكن يحققها؟قالتلى لأ طبعا..قلتلها يبقى يا اما انتى مع مبارك وضد الناس يا اما مع حقوق الناس يبقى مينفعش تكونى مع مبارك..سكتت شوية وبعدين قالتلى.. بس اى حد هيجى مكانه هيفضل الفساد موجود وانا عندى فى الشغل مديرى بيعمل وبيسوى ...قلتلها لازم تعترضى.. قالتلى أنا لوحدى؟؟ قلتلها: لأ طبعا ما احنا عملنا الثورة عشان كلنا نعترض.. وسيبتها وركبت المترو
0 التعليقات:
إرسال تعليق