الاثنين، ١٦ يناير ٢٠١٢

عن اعتصام سائقي النقل

بقلم / محمد شلبي 


والله صدري وجعنى. يجب إعدام حسنى مبارك و كل حاشيته

الشعب يريد إسقاط النظام.


سياسة فرق تسد...
إستخدمتها السلطة اليوم لاحتواء اعتصام سواقين النقل!

مصدر الصورة

النهاردة رحت انضم لمعتصمى النقل، سواق بيقولى عاوزنها رسمى مش عاوزنها سرقة، فواحد تانى جيه بيقولى عاوز ايه قولت له أنا هنا بصور الاعتصام علشان أوصل صوتكم، قال لى مش عايزين حد يوصل صوتنا.

السبب إنى لما وصلت لهم كانت فكرة إن فى ناس مندسة هتدخل مابينهم بدأت بالإنتشار، سؤال مهم لمن يقرأ رسالتى هو فى سواق نقل فاهم كلمة "مندس"؟!
فى رأيي لو سواق بيقول  ناس "مندسة" يبقى مفروض يكون سواق طيارة مش سواق نقل.

بقول للسواق ايه اللى يضمن إن الموضوع دا مايتكررش تانى (قصدى انهم ما يخدوش حقهم بعد كده ) قال لى مش هايتكرر، قلت له ايه اللى يضمن؟ سكت.

السواقين دول غلابة ، بكرة يراضوهم علشان يفضوا الاعتصام و يمشوا الشارع ، و تفضل مشكلتهم قائمة.

المهم روحت لسواق الناحية التانية من الشارع قلت الحق آخد و أدى معاه فى الكلام قبل ما يخوفوه زى الباقيين فقال لى "الناس بيقولوا علينا بلطجية ليه ؟ دا إحنا ولا كسرنا ولا حتى قفلنا الطريق !" والله السواق وهو بيقول لى كدا افتكرت نفسى فى اعتصام مجلس الوزراء..

فى الآخر مشيت لإنى كنت هاتضرب من بعض السواقين.


الثورة لازم تستمر علشان نجيب حق الغلابة  


(نفس السيناريو اللى حصل ضد كاذبون فى مصر الجديدة و الزمالك)

للعلم لأى ضابط أمن بيقرأ دا ، أنا مش من منظمي كاذبون و لكن بحضر معاهم العرض لما وقتى بيسمح بس لى الشرف إني أكون منهم.



القاهرة -- 16 يناير 2012

0 التعليقات:

إرسال تعليق